KAMANDA MKUU WA BOKO HARAMU AUAWA, NGOME YAO YASAMBALATISHWA

Meja Jenerali Chris Olukolade.

Msemaji wa jeshi la Nigeria amesema kuwa, vikosi vya nchi hiyo vimemuua kamanda wa ngazi za juu wa kundi la kigaidi na kitakfiri la Boko Haram.

Meja Jenerali Chris Olukolade amesema kuwa, Abu Mojahid kamanda wa ngazi za juu wa kundi la Boko Haram ameuawa katika mapigano kati ya jeshi la Nigeria na wapiganaji wa kundi hilo kaskazini mashariki mwa nchi hiyo.

Msemaji wa jeshi la Nigeria ameongeza kuwa, wapiganaji kadhaa wa Boko Haram wameuawa pia katika mapigano yanayoendelea kati ya jeshi na wanamgambo hao.

Wakati huo huo taarifa kutoka Nigeria zinasema kuwa, jeshi la nchi hiyo limefanikiwa kuukomboa msitu wa Sambisa ambao ulikuwa ngome ya mwisho ya kundi la kigaidi la Boko Haram.

Msitu wa Sambisa huko kaskazini mashariki mwa Nigeria uko umbali wa karibu kilomita 100 kutoka Chibok mji ambao mnamo mwaka mmoja uliopita kundi la Boko Haram liliteka nyara zaidi ya wasichana 200 wa shule na kuwapeleka kusikojulikana.

Hayo yanajiri katika hali ambayo operesheni ya pamoja ya vikosi vya Nigeria, Chad, Cameroon na Niger dhidi ya Boko Haram inaendelea huku kukiwa na taarifa kwamba, imekuwa na mafanikio

SHARE

Unknown

• 
• 
• 
• 
•